Doutor en Historia pola Universidade de Oviedo. É Profesor Titular de Historia Moderna da Universidade de Santiago de Compostela. É autor dos libros: “Oviedo: muerte y religiosidad en el siglo XVIII”, “Comportamientos religiosos en Asturias durante el Antiguo Régimen”, e “Ceremonia y poder en Galicia a finales del Antiguo Régimen”, e de máis de medio centenar de artigos e traballos de investigación dedicados na súa maior parte á historia da cultura e das mentalidades en Asturias e Galicia. Máis recentemente, as súas investigacións centráronse no estudo, as elaboracións simbólicas e rituais do poder na Idade Moderna como formas de propaganda e de conformación da opinión pública política.

Na actualidade, participa en dous proxectos con investigadores de varias universidades españolas e estranxeiras sobre guerra e propaganda bélica en Iberoamérica no século XVIII, e sobre os procesos culturais urbanos na Coroa de Castela.