Xosé Azar recibiu a ensinanza do famoso escultor Francisco Asorey na Escola de Artes e Oficios da súa cidade natal, Compostela, onde fixo o Bacharelato. Licenciouse en Filosofía na Universidade Complutense e doctorouse na Autónoma de Madrid, cun traballo que despois ampliou e profundou, dedicado a el moitos anos, Vida masculino/femenina, onde se propón, por primeira vez, o número 2 –o número da vida- e non o 1, como fundamento.

De aquí naceron logo: Poética de Fondo, na que fala da arte como expresión do propio (des)entrañamento, e Poética formal, na que se alcanzan, tamén por primeira vez, unhas categorías poéticas formais, extensibles ás demais artes; actualmente está traballando no terceiro volume, que trata do drama, nas súas tres versións: imaxinario, real ou extraescénico e total ou festivo erótico e místico.