Nesta exposición mestúranse pezas actuais con outras menos recentes. Algunhas delas pertencen a coleccionistas particulares que cederon temporalmente os seus cadros mentres dura a exposición.

Esta mostra ten un denominador común: obras realizadas de maneira espontánea. Son máis ben híbridos ao igual que os cans de palleiro, que pasaron a ser cans dunha raza pura. De aí ben o título desta exposición.

A intensa cor, pigmentos e óleo, aos que engade elementos pegados cos que xera relevos, e brillos, explicitan fermosas luzadas de inspiración, plásticos en aspectos materiais, artísticos sempre.

Nicolás González Aller, natural de Lalín (Pontevedra), iniciou a súa traxectoria artística na segunda metade dos sesenta canso espuxo en colectivas celebradas no Colexio Maior Diego Covarrubias, de Madrid, e en Valladolid. A súa primeira mostra individual foi unha restrospectiva con obras realizadas entre 1987 e 2006, no Museo Ramón Mª Aller, de Lalín. Ademais de diversas colectivas celebradas en Madrid e espazos galegos, protagonizou individuais en Silleda, Santiago, Ourense, varias veces en Lalín e no 2009 en Vigo.