A Casa de Galicia acolleu a presentación da XVI Semana Gastronomica e Cultural do Marisco que se celebrará na localidade madrileña de Alcobendas do 19 de abril ao 2 de maio
García de Vinuesa: "Os galegos achegaron moito a Alcobendas e estámoslles moi agradecidos por conservar e compartir connosco a súa cultura, a súa gastronomía o seu folclore... que enriquece cada día a nosa localidade".
A Xuntanza empezou organizando, hai 16 anos, unha feira de catro días e nesta edición xa son dúas semanas.
O programa inclúe, xunto coa gastronomía, unha ampla e variada oferta cultural con exposicións de arte, proxeccións de películas e curtos, artesanía, alfombras florais...
Madrid, 14 de abril de 2011. - A Casa de Galicia, delegación da Xunta en Madrid acolleu esta mañá a presentación da XVI Semana Gastronómica e Cultural do Marisco de Xuntanza de Galegos en Alcobendas, que se celebrará na localidade do norte de Madrid, do martes 19 de abril ao 2 de maio. O acto contou coa intervención do delegado da Xunta en Madrid e director da Casa de José Ramón Ónega; o Alcalde de Alcobendas, Ignacio García de Vinuesa; o presidente de Xuntanza de Galegos en Alcobendas, Ovidio Cadenas Queipo e o director de Gourmet La Toja, Javier Padín.
"Alcobendas non é unha cidade calquera", dixo Ónega, encargado da presentación, "¡Madrid, é un barrio de Alcobendas! ", ocorrencia que sintonizou co público provocando sorrisos e espertando espontáneos aplausos nos asistentes.
O presidente de Xuntanza, Ovidio Cadenas agradeceu a todas as institucións a súa colaboración, "sen elas non teriamos chegado ata aquí", e tamén aproveitou para invitase a todo o mundo a gozar desta cita.
Pola súa banda, o alcalde Vinuesa evocou os anos da súa infancia que transcorreron en Galicia onde gozou de todo, especialmente do mar e das praias galegas: "foi tan boa e tan entrañable a miña experiencia que cando tiven fillos pequelños quixen que eles tamén gozasen do mesmo". En relación a Alcobendas, manifestou sentirse orgulloso do que achegan os galegos de Xuntanza. Achegaron moito e estámoslles moi agradecidos por conservar e compartir connosco a súa cultura, a súa gastronomía o seu folclore... que enriquece cada día a nosa localidade".
Para Padín esta vai ser a edición máis comleta xa que o programa inclúe, entre ostras actividades: "Noite Meiga; Noite celta; xornada do polbo; Proxección de películas e curtos cedidos o CENTRO GALEGO DE ARTES DÁ IMAXE (CGAI), Mostra artesanal dás Collareiras da Toxa; Exposición sobre a Cidade dá Cultura en Santiago de Compostela; Exposición fotográfica "Artes de pesca antiga" nas Rías Baixas; XIV Festival Celta; X Encontro de Gaitas Tradicionales... "
O acto finalizou coa presentación do audiovisual "Galicia no teu padal" da XVI Semana Gastronómica e unha degustación de produtos.
