Félix García de Pablos, doutor en Dereito e relator do Tribunal Económico-Administrativo Central do Ministerio de Facenda, disertará sobre as condicións e os prazos nos que se outorgaron as concesións para explotar as centrais eléctricas galegas; así como a escasa reversión que sobre o territorio onde se atopan instaladas ditas explotacións hidrográficas dos ríos galegos, realizan as concesionarias.

Ademais, as concesións que explotaron aos ríos galegos excederon con fartura o prazo de aproveitamento legal con prórrogas e ampliacións que as levaron na gran maioría de casos a exceder o século.

Esta mesma problemática é tratada no seu libro "La canción triste del Duero: el "robo del río Duero: el aprovechamiento hidráulico del Duero" (2019), un minucioso estudo onde o autor analiza o desenvolvemento e explotación hidráulica do río Douro e sobre como a provincia de Zamora quedou sen un dos seus bens máis prezados, a auga, por máis dun centenar de anos. Un roubo do río aos cidadáns ao renunciarse á súa explotación conxunta.

J. Félix García de Pablos é Licenciado e Doutor en Dereito pola Universidade Complutense de Madrid. Pertence ao Corpo Técnico de Facenda, ao Corpo de Auditoría e Contabilidade e ao Corpo Superior de Xestión Catastral. Desempeñou diversos cargos na Secretaría de Estado de Facenda e actualmente ocupa o posto de Relator do Tribunal Económico-Administrativo Central. Forma parte dos Foros Sáinz de Bujanda e Vicente Arche no Instituto de Estudos Fiscais. Colabora con distintas publicacións e é autor de varios libros: "El Impuesto sobre Sucesiones y Donaciones: problemas constitucionales y comunitarios" (2009); e "El Concierto Vasco y el convenio económico con Navarra: los regímenes económico-financieros forales y su encaje constitucional" (2019).