Carmen Prado é unha pintora autodidacta que pinta por afección e por pura intuición. Tras máis de 20 anos dedicada ao debuxo anatómico e científico en revistas e libros especializados, realiza en 2013 a súa primeira exposición pictórica. Os aspectos máis destacables da súa obra son o uso da cor e que pinta, eminentemente, figura feminina, aspecto polo que a prensa en xeral comezou a denominala “a pintora das mulleres”.

Para Jesús Vázquez Gallego (artisticamente, Xesús Vázquez) a pintura é unha afección que lle acompaña desde os seus primeiros anos no campo da medicina, como unha vía de escape á tensión diaria. Desde os seus comezos ata a actualidade apréciase unha marcada evolución na súa obra, que iniciou por paisaxes que lle serviron para familiarizarse cos pinceis; agora explora unha técnica máis abstracta, nunha constante evolución en procura de novidades e desenvolvemento artístico e persoal. As xeometrías expresionistas de Xesús Vázquez reinterpretan as formas desde unha óptica onde a cor e a textura son os protagonistas

Ambas as exposicións poderán contemplarse ata o 31 de outubro, en horario de 10:00 a 14:00 horas e de 16 a 20 horas. Festivos: de 10 a 14 horas.