Enrique Santín Díaz acaba de publicar unha obra editada por Ibersaf "La patología de los políticos". Afronta, pois, un dos asuntos máis candentes e de máxima prioridade para a nosa sociedade actual: a patoloxía dos políticos e a necesidade perentoria de rexeneración. Desde unha perspectiva humanista e racional, analiza con singular agudeza os males ou enfermidades da comunidade política presente. Sobre este tema de actualidade versará a Mesa Redonda.

A orixinalidade do punto de vista do autor é un dos ragos fundamentais. Enrique Santín achega a persoa do político ao lector a través do símil do corpo humano e, con esta perspectiva, vai diseccionando pormenorizadamente todos os rasgos da súa personalidade: as súas virtudes e os seus defectos, as súas fortalezas e as súas debilidades. E é desde esa actitude de comprensión e tolerancia, pero en absoluto de condescendencia e permisividade desde onde coloca o máis alto nivel de esixencia e ética.

Finalmente reivindica a figura do político na sociedade. Con independencia do saldo positivo ou negativo que arroxe o balance da súa xestión, a súa influencia nas nosas vidas é tan innegable como inevitable. Ninguén pode substraerse ás consecuencias da acción política; eles marcan as pautas de comportamento, as leis que marcan as políticas impositivas, educativas, laborais...