Este ano o Festival contará con 12 magníficos concertos, que terán lugar entre o 8 e o 23 de agosto de 2024 nalgúns dos lugares máis especiais da Mariña Lucense.

O festival converteuse nunha referencia cultural de toda Galicia, encomiado por público e prensa grazas á súa coidada programación e a calidade de todos os eventos ofrecidos. É un vehículo imprescindible para a democratización cultural que permite achegar propostas de excelencia a zonas rurais con difícil accesibilidade a este tipo de ciclos.