Presentación do libro "CON EL TAMBOR DEL VIENTO", de Yolanda López, editado por Huerga&Fierro
Reúne un conxunto de breves poemas que conforman diversos brillos iluminando un universo moi persoal pero non por iso recoñecible. Yolanda López tece para o lector a súa rica espiritualidade a través de suxestivas metáforas que recorren a límpidos escenarios naturais que, así mesmo, evocan as reverberacións do eu máis íntimo e profundo.
A poeta e escultora, Pepa Nieto; e o editor, Antonio J. Huerga, presentarán o acto, que finalizará coa actuación musical do guitarrista Federico Rico.
YOLANDA LÓPEZ (Ourense, 1976). É funcionaria de carreira na Administración de Xustiza. Licenciada en Filoloxía inglesa, técnica superior en turismo, tradutora e pintora, dedicouse á docencia a nivel medio e universitario. Realizou o DEA, a tesina e o doutoramento sobre a identidade individual e colectiva na obra da escritora norteamericana sureña Eudora Welty. Foi investigadora en diversas universidades nacionais e do estranxeiro colaborando con relatorios e artigos de ensaio.
É autora dos poemarios individuais premiados Verdugos impolutos (2005), Obertura sen heroe 2006, Grietas 2012, Temblor fiero 2013, Moralla 2013 e Tántalo 2014.
Galardoada con diferentes premios (Suso Vaamonde, Rosalía de Castro de Cornellá en dúas ocasións, Aurelio Aguirre, Antón Tovar, Fundación CEPAIM para a solidariedade, Xosé Neira Vilas, mención de honra do Manuel Oreste Rodríguez, Manuel María da Casa de Galicia de Guipúscoa, Picapedreros da La Oca Locaa, Manuel López Ardeiro), textos da súa autoría aparecen en revistas e libros colectivos. Publicou relatos e artigos de opinión en xornais de Galicia.
Actualmente forma parte dos grupos literarios Bilbao e Poekas de Vallecas. Participou en recitais benéficos, en homenaxes a intelectuais, e en espectáculos de poesía, pintura, fotografía, música e danza. Impartiu cursos literarios e foi xurado de certames.
