“Cuentos Nuevos de Mondariz” é o terceiro libro da autora, experta en comunicación e liderado, cunha traxectoria directiva de máis de 20 anos en distintas organizacións. Nel recolle dez contos moi actuais baseados en persoas, imaxinarias ou reais, que habitan ou habitaron a “Moi Hospitalaria Villa”, título concedido por Alfonso XIII a Mondariz-Balneario. 

Unha parte da cultura de Galicia está nestes dez relatos, cheos de humor pero tamén de amor e nalgún caso de algo próximo ao terror. Nestes contos está a retranca, o particular realismo máxico galego, están certos costumes, o viño e a cociña, a boa xente e o seu sentido da amizade. Pero sobre todo está Mondariz-Balneario, ese lugar marabilloso e fundamental na historia de Galicia que nos envolve e atrápanos a todos sen remedio nas redes da súa beleza, a súa auga e as súas historias.

María López-Herranz é Coach Executivo e experta en liderado e comunicación. Conselleira en varias organizacións e socia fundadora dunha consultora de RRHH é tamén profesora en escolas de negocios. Foi directiva en multinacionais e presidente da International Coaching Federación. Tras publicar A estratexia do Cid e Liderazgo Campeador, ambos sobre liderado empresarial, chega agora o seu primeiro libro de relatos.