MIGUEL LOSADA é natural de Vigo. Estudou Filoloxía Hispánica e Francesa en México, París e na Universidade Complutense de Madrid, licenciándose cunha tesina sobre as vangardas literarias en Hispanoamérica. Iimpulsor da Academia de los Melancólicos. Sucedeu ao poeta Celso Emilio Ferreiro á fronte da Cátedra de Estudios Gallegos do Ateneo de Madrid, onde foi director da súa Biblioteca.

Coordina o ciclo Los Viernes de la Cacharrería, espazo polo que pasaron máis de trescentos poetas de todo o mundo, recompilando a súa voz e os seus poemas nos libros La Voz y la Escritura, volumes I e II.

A súa obra poética persoal atópase nos libros: Los campos de la noche - 1998, El bosque azul - 2005,  Última Forma - 2010 e Todas las estrellas solitarias - 2015, así como nas antoloxías: Poesía Ultimísima, Aldea Global, Milenio, Doce más uno, Palabras para la Paz, Bajo los puentes del Drina, Blanco Nuclear, Trovadores de silencios, Las mejores historias de amor, etc.

Crítico de cine en radio e televisión con máis de dez obras publicadas. Actor de teatro en obras de Lorca, Valle, Jardiel Poncela, Strindberg, etc. Actor de cine na película de José Luis García Sánchez, Este que veis aquí, na que facía de Leopoldo Arias ‘Clarín".

Como escritor cinematográfico publicou: Cien películas para amar el cine, Gabriel García Márquez y el cine, El Hollywood español, El Cid, cincuenta aniversario, Marisol, su vida y sus películas, Sara Montiel, así como numerosos artigos en revistas especializadas.  Exerce como crítico de cine en prensa, radio e televisión. Na actualidade aparece semanalmente no programa televisivo, Vivir de Cine.