É a historia apaixonante de Balbino Fuentes Mora, a voz que levou as xestas do Pontevedra do "Hai que roelo" a toda España; un pioneiro dos medios de comunicación e dun tempo no que a potencia e a innovación que supuxo a radio só pódese comparar coa transcendencia que hoxe ten Internet nas nosas vidas.

En palabras de Xabier Fortes, prologuista do libro, Fuentes Moura foi algo máis que a voz de "Hai que roelo", foi ademais a cabeza que revolucionou a radio en Pontevedra e en gran medida tamén en toda Galicia. En tempos de férreo control da censura, foi capaz de ir abrindo espazos que trataban de burlar ese corpiño de aceiro que impoñía a ditadura. 

Este libro é unha homenaxe dun fillo a un pai: ao seu inicios en tempos duros ,de posguerra e fame, a unha familia máis que humilde sen referentes paternos desde idade moi temperá. 

JOSÉ ANGEL FUENTES é vogal coach, locutor audiovisual e conferenciante. Tras a súa licenciatura universitaria completou a súa formación coa 3ª edición do Máster de Radio Nacional de España antes de mergullarse no xornalismo desde abaixo. Dedicouse á locución en antena e a conducir e presentar espazos de programas de radio. Máis tarde centrouse na locución audiovisual e moi especialmente na dirección e axuste de moitos dos documentais que se poden ver na 2, actividade que terminou compaxinando coa formación vocal e a súa participación en multitude de foros e conferencias para compartir as experiencias da súa profesión.