O reino suevo transcorreu entre os anos 409 e 586. Os historiadores pasan como no bico dos pés por esta monarquía a pesar de ser a primeira de Europa.

Neste libro, o autor trata de penetrar no pasado, remover as ruínas e levantar das súas tumbas aos reis suevos co fin de relatar as intrigas, envexas, maleficencias, mitos, lendas e bos feitos; de cada un dos reis que gobernaron Galicia a través deses anos, desde Hermenerico I, o Fundador ata Malarico, O Mártir. Tampouco se esquece neste libro das múltiples relixións polas que pasaron estes reinados (idolatría, cristianismo, arrianismo, heliolatría…).

Santiago Lorenzo Sueiro (Santiago de Compostela, 1948). Desenvolve a súa traxectoria profesional en Barcelona dentro do campo da informática, a comunicación (márketing) e a asesoría.

A súa inquietude e orgullo galeguista faille ser estudioso das raíces, historia e lendas da súa cultura. Pertence a asociacións culturais, casas rexionais e asociacións empresariais galegas tanto de Cataluña como de Madrid.

Desde hai algúns anos, colabora con varios medios de comunicación galegos e estranxeiros.